Amăng mông tŭ jum, Khua dêh čar ơi Phạm Minh Chính brơi thâo, tơlơi gum hrom bruă khom ngă dơlăm Việt Nam – Japan glăk amăng rơwang pơđĭ kyar klă hiam, abih bang hăng tơlơi đăo gơnang bruă kơđi čar jai hrơi jai dưi kơtưn đĭ. Japan jing bơnah gum hrom bơwih ƀong yôm phăn ba jơlan hlâo mơng Việt Nam, jing pô gum djru ODA prong hloh, pô tuh pơplai hăng gum hrom bruă tuai čuă ngui tal 3, bơnah gum hrom sĭ mơdrô tal 4 mơng Việt Nam.

Gum hrom plơi pla kơplah wah dua bôh dêh čar jai hrơi jai dơlăm, jing tơlơi pok pơhai rơđah hăng ba glăi bôh tơhnal hơdôm tơlơi pơkôl mơng Khua mua dua bôh dêh čar, djru pơtrut tơlơi rô nao rai Việt Nam hăng Japan pơđĭ kyar sit nik. Thun 2023 lĕ thun hơdor glăi 50 thun pơdŏng bruă pơtom hiăp dua bôh dêh čar Việt Nam – Japan,  Khua dêh čar ơi Phạm Minh Chính đăo gơnang hăng tơlơi gir run, pran jua giăng mah, gum hrom kơplah wah tơring čar Tochigi hăng hơdôm bôh tơring čar gah Việt Nam amra jing gru rơđah phrâo hăng jing gru rơđah brơi kơ tơlơi gum hrom bruă khom ngă dơlăm Việt Nam – Japan./.