Khua dêh čar ơi Phạm Minh Chính pơdah pran jua bơni biă mă tơlơi djru ba mơ̆ng Sang bruă prăk Rŏng lŏn tơnah hăng bruă pơtrut pơđĭ kyar bơwih ƀong huă mơnuih mơnam ƀơi Việt Nam mơ̆ng thun 1993 truh ră anai, hăng rơnoh prăk djru truh 24 klai USD; čang rơmang Sang bruă prăk Rŏng lŏn tơnah ăt gum hrŏm, djru Việt Nam pok pơhai lu hơdră, jơlan hơdră či mă bruă pơtrut rơnoh pơđĭ kyar hơđong kjăp, pơđĭ kyar mơtah mơda, bơwih ƀong huă mrô, bơwih ƀong huă sa dơnuai hlôm akŏ klôn, hơdră bơwih ƀong huă kah pơpha nao rai, bơwih ƀong huă hăng ia rơgơi tơlơi kơhnâo.

Kơ-iăng Khua sang bruă prăk Rŏng lŏn tơnah, yă Manuela V.Ferro brơi thâo, Sang bruă prăk Rŏng lŏn tơnah đăo kơnang hăng amra man pơdong sang bruă pơ ala amăng kual pơ ala brơi 3 boh dêh čar Việt Nam, Lao, Kur či Hà Nội; lăi pơtong, sang bruă prăk rŏng lŏn tơnah čang rơmang hăng amra ngă hrŏm tong ten tom Việt Nam pioh pơphun bruă mă amăng kual ba glăi boh tŭ yua lu hloh, pơgang brơi anŏ tŭ yua kơ 3 boh dêh čar amăng kual.