Tui tơlơi pơtrun mơng Ding jum kơđi čar kơ bruă ruah mơnuih apăn bruă amăng Khul git gai, ơi Tô Lâm, Khua mir sir dêh čar hơmâo ruah ngă Khua khul git gai. Khua mir sir ơi Tô Lâm lăi pơtong, găn rơgao 14 blan mă bruă, Khul git gai hơmâo pok pơhai lu bruă pơprong, rơkâo khul git gai hluai tui akŏ bruă tong ten, hră lăi pơthâo klah čun mơng hơdôm khul grup, tơlơi git gai mơng Ding jum kơđi čar, tơlơi pơgôp hiăp mơng Jơnum gơnong glông lok 9 kiăng kơsem min hơdôm bruă phrâo mơng tơlơi sit nik amăng lŏn ia hăng jar kmar ră anai, kiăng pok pơhai pơplih pơčeh phrâo amăng bruă pơplih lŏn ia.

Lăi pơtong anai lĕ bruă yôm phăn, Khua mir sir ơi Tô Lâm čang rơmang ƀing ding kơna amăng Khul git gai ngă tui pran gơgrong kiăng pơgiong klă bruă jao hơmâo Ping gah, Ding jum kơđi čar hăng Khua git gai Ping gah dêh čar ơi Nguyễn Phú Trọng jao.