Đĭ pơhiăp Khua dêh čar lăi pơtong pơsit tong khŏm pơmĭn rơđah rơđông, gir run abih pran jua pơphun bruă mă khut khăt, lăp djơ̆, ngă bruă hơget khŏm pơgiong hĭ mơtăm, ba glăi boh than hăng đing nao hloh bruă man pơkra jơlan rơdêh đuăi hmar. Khua dêh čar lăng yôm Ding jum wai lăng jơlan glông, 9 boh tơring čar, ƀôn prong kual lŏn dăo ia krông Cửu Long bơdjơ̆ nao bruă man pơkra hơdôm ară jơlan rơdêh đuăi hmar găn nao hơmâo gir run abih pran jua.

Hrŏm hăng anun Khua dêh čar rơkâo hơmâo lu dong mơnuih apăn bruă, kiăng rang kơđiăng amăng bruă mă, hăng pơhrăm nao rai, mă yua boh thâo phrâo brơi klă hloh amăng bruă man pơkra. Khua dêh čar rơkâo hơdôm boh tơring čar hơmâo jơlan rơdêh đuăi hmar găn nao git gai djop ƀon lan pioh hrơi mông pơčrông sai nao rai kơ tơlơi găn rơgao, hrŏm hăng bruă jak iâu gum pơgôp mơng mơnuih ƀon sang.