Ơi Phạm Minh Chính, Ding kơna Ding jum kơđi čar, Khua dêh čar nao pơhmư̆ hăng đĭ pơhiăp črâo ba amăng mông ngă lơphet. Pơ ala kơ khua mua git gai Ping gah, Kơnuk kơna, Khua dêh čar Phạm Minh Chính hur har hơ-ư̆č hmưi, bơni tơlơi gir run hăng bôh tơhnal mơng mơnuih čih pơkra, khul čih pơkra hăng Hlăk ai abih bang khul ling tơhan. Khua dêh čar črâo rơđah, pơ̆ anăp anai, tơlơi ƀơi rŏng lŏn tơnah, ƀơi kual pơkă lăng hlâo pơplih tañ, tơnap, ƀu thâo him lăng.

Amăng tơlơi anun, lŏn ia ta glăk gir run pơdŏng bruă bơwih ƀong rơngai, gơgrong pô nao hrom hăng tơlơi klă, gơgrong hlâo mut hrom jar kơmar dlăm, sit nik, ba glăi bôh tŭ yua; pơtrut pơplih phrâo pơčeh phrâo hăng mă yua, pơđĭ kyar bôh thâo phrâo hơdră phrâo; dưi hmâo hơdôm pơčeh phrâo, pơkra phrâo, hơdôm hơdră măi mok phrâo. Biă ñu, bruă pơdŏng Khul ling tơhan glăk ba tơbiă tơlơi rơkâo phrâo, phun lĕ pơdŏng Khul ling tơhan mơnuih ƀôn sang ngă hơkrŭ, djơ̆ phiăn pơkă, hơdeč hmar, phrâo rơnuk anai; kơjăp kơtang gah bruă kơđi čar, tơlơi pơmin, pran jua, pơphun bruă hăng mơnuih apăn bruă./.