Thun 2022, Gơnong bruă Ping gah hmâo laih hơdôm bôh tơhnal yôm phăn, biă ñu amăng bruă črâo ba, git gai mơng Gơnong bruă dưi pơplih phrâo dong, pơhlôm hluh gah, pơlir hơbit, bôh tơhnal. Ngă tui klă bruă mă mơng ƀirô mă bruă pơplih pơkra bruă čar mơng Gong gai dêh čar, djru ba glăi sa dua mơta bôh tơhnal klă, hmâo pơphun laih 9 mông jơnum tui akô̆ bruă čih pơkra tơlơi phiăn, gum pơhiăp, pel ĕp 39 mơta tơlơi rơkâo, rơwang bruă tơlơi phiăn; đing nao čih pơkra Akô̆ bruă dưm dăp anom mă bruă čar gưl tơring glông, gưl să rơwang 2022-2025, pơsit jơlan gah truh thun 2030.

Bruă pơtom hiăp dưi đing nao dong hăng ba glăi bôh tơhnal ƀuh rơđah. Pơphun truh kih bruă Jơnum ƀing khua mua amăng bruă mă khul ASEAN hăng ASEAN hăng 3 bơnah gum hrom. Pơhiăp amăng mông jơnum, Khua dêh čar ta rơkâo, pơ̆ anăp anai đing nao pơtrut tañ rơnoh bruă, pơđĭ tui anô̆ kơjăp bruă pơdŏng hăng ngă giong hơdră pơkă, hơdră bruă amăng bruă Ping gah; pơplih phrâo hăng ngă giong hơdră wai lăng mơnuih apăn buă, mơnuih mă bruă čar, mơnuih mă bruă tui jơlan gah ha amăng plĕ, pơlir hơbit; Hrom hăng anun Khua dêh čar rơkâo, ngă giong dong glông bruă čar kơnuk kơna rơguăt, mă bruă ba glăi bôh tơhnal; pok pơhai ba glăi bôh tơhnal Jơlan hơdră abih bang pơplih pơkra bruă čar truh thun 2030./.