Amăng mông jơnum, Kơnuk kơna pel ĕp rơwang bruă Tơlơi phiăn pơplih pơkra, pơhrua nao sa dua mơta tơlơi amăng Tơlơi phiăn Kông ang mơnuih ƀôn sang hăng rơkâo pơdŏng hơdôm tơlơi phiăn: Tơlơi phiăn pơplih pơkra, pơhrua nao Tơlơi phiăn pơphun bruă brơi čan prăk; Tơlơi phiăn căn cước công dân (pơplih pơkra); Tơlơi phiăn hơdră phrâo măi mok pơgang lŏn ia, rơnuk rơnua plơi pla hăng pơsur bruă măi mok; Tơlơi phiăn măi mok hơdră phrâo mrô; Tơlơi phiăn pơkă kual plơi prong hăng plơi pla.

Khua dêh čar ơi Phạm Minh Chính brơi thâo, pơdŏng tơlơi phiăn, ngă giong hơdră pơkă lĕ sa amăng hơdôm tơlơi pơplih phrâo, jing phun đing nao hlâo dưi hmâo Kơnuk kơna pơƀut tuh pơplai, pơphun khut khăt ngă tui. Thun 2022, Kơnuk kơna pơphun 9 mông jơnum tui akô̆ bruă pơdŏng tơlơi phiăn, hơdră bruă, gum pơhiăp, pel ĕp hăng 40 rơwang bruă, rơkâo čih pơkra tơlơi phiăn, mrô mông jơnum, rơwang bruă, rơkâo tơlơi phiăn lu hloh amăng hơdôm thun rơgao./.