Dua bơnah bơni kơ hơdôm bôh tơhnal klă mơ̆ tơlơi pơkôl sĭ mơdrô mơ-ak klă Việt Nam hăng EU ba glăi tơdơi kơ dua thun pok pơhai; tŭ ư hrom pơtrut dong gum hrom amăng bruă tuh pơplai, sĭ mơdrô kơplah wah dua bơnah hăng gum hrom bŏng glăi hăng hơdôm tơlơi lông hrom kah hăng anih anom dô̆, kơdŏng pơplih ayuh hyiăng, biă ñu ƀơi kual Lŏn dăo ia krông Cửu Long.

Ƀrô djơ̆ tal anai, Khua dêh čar ta rơkâo Khua pơ ala mơnuih ƀôn sang ala čar Bơl-gum tañ ngă giong tơlơi pơsit Tơlơi pơkôl pơgang ba tuh pơplai Việt Nam - EU kiăng pơjing anih anom tuh pơplai gêh gal kơ anom bơwih ƀong dua bôh dêh čar, dŏng yua Jơnum min apăn bruă kual Mi Kô̆ tañ pơtlaih tơlơi gun hăng akan hơdang Việt Nam. Khua dêh čar ta ơi Phạm Minh Chính rơkâo Khua gơnong dlông pơ ala mơnuih ƀôn sang Bơl-gum ngă gal brơi dong kơ mơnuih Việt Nam glăk dô̆ hơdip mơda, hrăm hră hăng mă bruă ƀơi Bơl-gum, ngă tui bruă tô nao rai dua bôh dêh čar./.