Khua dêh čar ta ơi Phạm Minh Chính bưp ƀing apăn bruă, mă bruă amăng Ƀirô anih jưh pơ ala kơ Việt Nam hăng mơnuih Việt Nam ƀơi UAE
Thứ hai, 09:39, 28/10/2024
VOV/Siu H' Prăk pơblang
VOV/Siu H' Prăk pơblang
VOV4.Jarai - Čơtlăm tom brơi lơ 27/10 yap tui mông ƀơi plơi prong jưh jom Abu Dhabi, amăng tal nao čuă hơdôm bôh dêh čar pơlir hơbit Arab (UAE), Khua dêh čar ta ơi Phạm Minh Chính hăng bơnai ñu Lê Thị Bích Trân hăng grŭp pơ ala gưl dlông Việt Nam bưp mơnuih apăn bruă, mơnuih mă bruă gah Ƀirô anih jưh pơ ala kơ Việt Nam hăng mơnuih Việt Nam ƀơi UAE.
Pơhiăp ƀơi anai, Khua dêh čar ta ơi Phạm Minh Chính pơtŏng sit tơlơi pơmin mơ̆ng Ping gah, Kơnuk kơna lĕ lăng mơnuih Việt Nam pơ̆ dêh čar tač rơngiao lăi hrŏm hăng ƀơi UAE lăi ha jăn lĕ sa črăn ƀu dưi klah mơ̆ng djuai ania Việt Nam.
Ping gah, Kơnuk kơna lăng ba na nao, ngă gal brơi, bơwih brơi, djru gum kiăng neh wa hơđong, mut hrŏm klă amăng mơnuih mơnam ƀơi dêh čar pô dô̆, hrŏm hăng anun pơsur ngă gal brơi pioh neh wa anăp nao plơi pla, gum hơgôp klă kơ bruă pơdŏng hăng pơgang Lŏn ia./.
Viết bình luận