Mơguah lơ 11/11, Khua dêh car ta ơi Phạm Minh Chính hăng Grŭp khua pơ ala gưl dlông Việt Nam hmâo nao truh laih pơ̆ plơi prong jưh jom Viêng Chăn pơphun čuă sit nik dêh čar Lao hăng gum hrom git gai Tal jơnum lok 45 Jơnum min pơlir Gong gai dêh čar Việt Nam – Lao, tui tơlơi jak iâu mơng Khua dêh čar Lao Sonexay Siphandone.

Tui hăng jơlan hơdră, amăng tal nao čuă dêh čar Lao, Khua dêh car ta ơi Phạm Minh Chính hmâo bruă bơkơtuai hăng Khua dêh čar Lao Sonexay Siphandone; nao lăi pơthâo hăng Khua git gai Ping gah, Khua mir sir dêh čar Lao Thongloun Sisoulith; nao pơhmư̆ mông ngă Lơphet pơđut Thun Gum hrom hơbit Giăng mah Việt Nam hăng Lao, Lao – Việt Nam thun 2022; bơkơtuai hăng Khua git gai wai lăng pơ ala mơnuih ƀôn sang dêh čar Lao Saysomphone Phomvihane; čuă ƀing khua mua git gai hơđăp mơng Ping gah, Kơnuk kơna Lao, gum hrom git gai Tal jơnum lok 45 Jơnum min pơlir hơbit Gong gai dêh čar Việt Nam – Lao. Tal nao čuă dêh čar Lao mơng Khua dêh car ta ơi Phạm Minh Chính hăng Grŭp khua pơ ala gưl dlông Việt Nam djru hơkrŭ đĭ, kơtưn tơlơi rô nao rai giăng mah prong prin, gum hrom hơbit pha ra, gum hrom abih bang, pơkĕ hrom, đăo gơnang kơplah wah dua Ping gah, dua bôh dêh čar Việt Nam – Lao./.