Pơhiăp amăng mông jơnum, hrom hăng djă pioh hơdôm tơlơi gum pơhiăp mơng khua git gai hơdôm ding jum, gơnong bruă hăng pơblang tơlơi, Khua dêh čar ta ơi Phạm Minh Chính lăi lĕ, pơ̆ anăp anai lĕ tal Tết Prang, Tết tui phiăn juăt hăng bơyan jơnum ngui, tơlơi kiăng rô nao rai lu, hrom hăng ayuh hyiăng pơplih ƀu hơđong lĕ tơlơi gal kơ hơdôm djuai klin ruă tưp hyu, amra lu mơnuih ƀă djơ̆, biă ñu hăng ƀing čơđai hmâo pran kơdŏng glăi tơdu hăng mơnuih tha rơma glăk hmâo tơlơi ruă amăng drơi jăn, amuñ ƀă djơ̆ tơlơi ruă...

Yua anun, kiăng hmâo dong hơdôm bruă pơgang, pơgăn klin ruă pioh djop mơnuih leng kơ dưi čơkă Tết rơnuk rơnuă, suaih pral, mơ-ak klă, ƀu hmâo hlơi lui lơi gah tlôn, hrom hăng anun pơsur gôm adung mơbah hăng pơdjai kơman ƀơi hơdôm anih tum pơƀut lu mơnuih, jơnum ngui./.