Khua dêh čar ta ơi Phạm Minh Chính git gai Jơnum tal 3 Khul git gai kual Lŏn dăo ia krông Hồng
Thứ sáu, 06:00, 10/05/2024
VOV/Siu H' Prăk pơblang
VOV/Siu H' Prăk pơblang
VOV4.Jarai – Mơguah lơ 9/5, ƀơi Ƀirô mă bruă Gong gai dêh čar, Khua dêh čar ta ơi Phạm Minh Chính, Khua Khul git gai kual Lŏn dăo ia krông Hồng git gai mông Jơnum tal 3 mơ̆ng Khul pioh lăi pơthâo Kual pơkă kual Lŏn dăo ia krông Hồng rơwang 2021-2030, tơhnal lăng nao truh thun 2050; klah čun ƀơƀiă 1 thun ngă tui Tơlơi pơtrun pơsit mơ̆ng Ding jum kơđi čar hăng Tơlơi pơtrun pơkă mơ̆ng Gong gai dêh čar; pel ĕp hơdră phara ha jăn pơđĭ kyar kual; kơčăo bruă git gai kual hăng pơsit bruă pok pơhai hơdôm rơwang bruă phun mơ̆ng kual Lŏn dăo ia krông Hồng.
Tơdơi kơ hmư̆ tơlơi gum pơhiăp, klah čun jơnum, Khua dêh čar ta ơi Phạm Minh Chính djă pioh hăng bơni tơlơi gir run mơ̆ng kual hrŏm hăng anun pơsit yôm gum hơgôp mơ̆ng kual amăng bơwih ƀong mơnuih mơnam mơ̆ng đơ đam dêh čar.
Hrŏm hăng anun Khua dêh čar ăt črâo rơđah mơn hơdôm tơlơi akă ngă, akă ngă giong, tơnap tap, tơlơi lông amăng anun lăi rơđah, bơwih ƀong mơnuih mơnam pơđĭ kyar akă djơ̆ hăng anô̆ hmâo, tơhnal gal, anih anom, bruă mă yôm phăn mơ̆ng kual; hơdôm anih anom pơđĭ kyar ƀu dưm kơnar, hluai tui lu kơ ngăn drăp hăng mơnuih mă bruă. Khua dêh čar rơkâo, pok pơhai pơkă kual hăng pơđĭ kyar bơwih ƀong mơnuih mơnam kual Lŏn dăo ia krông Hồng khom hmâo tơlơi pơlir hơbit, pơplih phrâo, abih bang, pơhlôm kơjăp, tui phiăn juăt./.
Viết bình luận