Tơdơi kơ hmư̆ hơdôm tơlơi gum pơhiăp, Khua dêh čar ta ơi Phạm Minh Chính lăi rơđah, rơwang bruă tơlơi phiăn kơ bruă ngă tui hơdôm tơhnal pơkă prăk kak abih bang ƀu pơdơi ngă giong ñu. Hơdôm khul grŭp mă yua, pơpha hyu dưi pel ĕp, dưm dăp glăi dong hăng pơđĭ kyar lăp djơ̆ hloh. Bruă lăi pơhing hmâo ngă klă, hmâo lu hơdră ngă phrâo. Gah tơhnal pơkă ngă tui, Khua dêh čar črâo rơđah mơnuih ƀôn sang khom dưi tŭ mă dưm kơnar hăng bruă bơwih ƀong prăk kak, biă ñu mơnuih ƀơi kual asuek, ataih, guai dêh car, bul ia rơsĭ, mơnuih ƀu hmâo hlơi kơnang, čơđai sang hră, cơđai gưl dlông.

Hluai tui bruă hơkrŭ 4.0 hăng pơplih mrô pioh hmâo hơdră ngă juăt dưm kơnar, pơhlôm kơ bruă prăk kak lŏn ia, pioh ƀing ta pơhlôm rơnoh bruă dưm kơnar mơnuih mơnam, pơhlôm hơđong mơnuih mơnam lơm pơđĭ kyar./.