Khua dêh čar ơi Phạm Minh Chính nao pơhmư̆ hăng pơhiăp črâo ba mông Jơnum. Pơ ala kơ khua git gai Ping gah, Kơnuk kơna, Khua dêh car ơi Phạm Minh Chính djă pioh, bơni, pơsit yôm hơdôm tơlơi gir run, bôh than, bôh tơhnal yôm phăn, djru prong biă mơng Khul Kông ang mơnuih ƀôn sang hăng bôh than hrom mơng lŏn ia amăng thun 2022.

Pơ̆ anăp anai, Khua dêh čar ơi Phạm Minh Chính rơkâo khul Kông ang mơnuih ƀôn sang thâo kơjăp dong, pơblang, pơsit yôm, pơkă lăng hlâo djơ̆, djơ̆ hăng tơlơi: klă, gơgrong hlâo pơphô brơi, ba tơbiă hăng Ping gah, Kơnuk kơna hơdôm hơdră pơtrun, jơlan pơsir pơhlôm rơnuk rơnua lŏn ia, djă pioh hơđong, pơhlôm mơnuih mơnam; kơtưn pơgang rơnuk rơnua lŏn ia, pơgăn mơng tañ, mơng atai amra hmâo tơlơi ngă soh truh tơlơi hơđong lŏn ia, bŏng glăi tañ hăng hơdôm tơlơi pơhuĭ truh tơlơi rơnuk rơnua ƀu hmâo mơng hlâo, pơtrut ataih tơlơi amra ba truh ƀu hơđong amăng plơi pla tơbiă mơng guai dêh čar./.