Anih tal blung a Khua dêh čar hăng grŭp hyu mă bruă pơdơi tơkai pel ĕp Jơlan đuăi hmar gah ngŏ ƀơi Rơwang bruă tơdrông toa Mỹ Thuận 2. Rơwang bruă tơdrông toa Mỹ Thuận 2 hmâo abih bang ataih 6,61 km găn 2 bôh tơring čar Tiền Giang hăng Vĩnh Long, tô nao rai 2 jơlan đuăi hmar Trung Lương – Mỹ Thuận hăng Mỹ Thuận – Cần Thơ gah rơwang bruă jơlan đuăi hmar Mỹ Thuận 2 hmâo pơkra giong laih; bruă pok pơhai pơkra truh ră anai hmâo laih rơbêh kơ 70% nua hơdôm hră pơkôl, djơ̆ hăng rơnoh pơkă.

Črăn jơlan hăng tơdrông toa phun ñu pơkra giong, črăn tơdrông toa phun ră anai hmâo pơkra giong laih tơmet tơdrông, hmâo dăng hrĕ kap kơ tơmet dăng blung a, pơkra giong rơwang bruă amăng thun 2023. Khua dêh čar rơkâo anom bruă pơkra tơdrông toa mă yua bôh thâo hơdră phrâo hăng abih bang bôh thâo dlông hloh pioh pơtrut tañ rơnoh man pơkra, samơ̆ khom pơhlôm klă, klă hiam, hrom hăng anun pơgăn hưp ƀong kông ngăn, tơlơi ngă soh, prai prăk khưi khai./.