Amăng mông Jơnum WEF Đại Liên, hăng tơlơi kiăng lăi lĕ tơlơi pơhiăp phara ƀơi Mông jơnum pok phun abih bang, ƀơi anăp năng ai ñu 1.700 čô tuai jak iâo mơ̆ng 80 bôh dêh čar, Khua dêh čar ta hmâo lăi pơthâo tơlơi ngă pơhưč pran jua mơ̆ng Việt Nam kơ pơplih phrâo, mut hrŏm hăng pơđĭ kyar. Khua dêh čar ta ăt lăi pơthâo mơn hơdôm tơlơi pơhing dơlăm, rơđah gru grua kơ bôh tơhnal ƀuh rơđah gah bruă bơwih ƀong – mơnuih mơnam, gah hơdră pơtrun, tơhnal lăng, pơsit jơlan gah bruă pơđĭ kyar lŏn ia mơ̆ng Ping gah, Kơnuk kơna Việt Nam.

Amăng tal nao mă bruă, Khua dêh čar ta ơi Phạm Minh Chính hmâo laih jơlan hơdră mă bruă dua bơnah lu mơta, amăng anun hmâo rôk ruai, bơkơtuai hăng Khua git gai Ping gah, Khua mir sir dêh čar Khač ơi Tập Cận Bình, Khua dêh čar ơi Lý Cường, Khua apăn bruă kơđi čar dêh čar ơi Vương Hỗ Ninh; hrŏm hăng ding kơna Ding jum kơđi čar, Kơ-iăng Khua dêh čar Khač ơi Trương Quốc Thanh nao pơhmư̆ hăng pơhiăp amăng mông “Jơnum gum hrŏm Việt Nam – Khač kơ pơđĭ kyar anom mă yua nao rai hăng bruă mă mơ̆ng hơdôm bôh anom bơwih ƀong Việt Nam – Khač./.