Amăng mông tŭ jum, lăi pơthâo nao rai kơ hơdôm tơlơi lông, tơlơi tơnap ba tơbiă amăng thun 2023 gah jơlan gah tơdu trun mơng bơwih ƀong đơ đam rŏng lŏn tơnah, tơhnal amra hrŏ trun gơnam sĭ kơ dêh čar tač rơngiao, tơlơi đĭ nua gơnam tam... dưi hmâo yă Antoinette Sayeh lăi đĭ, Khua dêh čar ta ơi Phạm Minh Chính brơi thâo Gong gai Việt Nam amra khom pok pơhai ha amăng plĕ hơdôm jơlan gah pơsir kiăng djă pioh hơđong bruă bơwih ƀong prong, wai lăng nua gơnam tam, pơtrut đĭ kyar, pơhlôm hơdôm anô̆ dưm kơnar prong mơng bruă bơwih ƀong.

Khua dêh čar ta lăi rơđah: Jai hmâo tơlơi lông, bơngot lu lĕ jai khom gir run yak rơgao. Jai tơnap tap, glêh glar, tañ bơdjơ̆ nao jai khom gum hrom hơbit, pơlir hơbit. Việt Nam amra bơkơtuai, hmư̆ lăng hơdôm tơlơi pơtă, tơlơi gum lăi mơng hơdôm khul grŭp jar kơmar kah hăng IMF, Sang prăk rŏng lŏn tơnah (WB)./.