Hmư̆ tui tơlơi jak iâu mơng Khua dêh čar Singapore Lý Hiển Long hăng Pơtao dêh čar Brunei Darussalam Sultan Haji Hassanal Bolkiah, Khua dêh čar Phạm Minh Chính hăng Bơnai ñu hrom hăng Grŭp khua pơ ala gưl dlông dêh čar Việt Nam amra nao čuă dêh čar Singapore hăng Brunei Darrussalam mơng lơ 8 truh kơ 11/2/2023.

Tal nao čuă anai jai hmâo bôh tŭ yua hloh lom anai lĕ tơlơi jơnum blung a amăng hơdôm bruă jơnum amra pơphun ƀơi hơdôm bôh dêh čar ƀrô djơ̆ tal hơdor glăi 50 thun pơdŏng bruă pơtom hiăp hăng 10 thun pơdŏng bruă gum hrom. Amăng tal nao čuă anai, Khua dêh čar hơdôm bôh dêh čar amra črông sai hơdôm bruă kiăng pơplih hơdôm tơlơi pơkôl mơng khua mua gưl dlông hăng ĕp tơbiă hơdôm jơlan gah gum hrom phrâo pơ̆ anăp anai. Amăng 10 thun jê̆ hăng anai lom Việt Nam hăng Singapore kĭ hră gum hrom khom ngă, dua bôh dêh čar gum hrom abih bang amăng djop bruă, mơng bruă kơđi čar, pơtom hiăp, pơgang lŏn ia, rơnuk rơnua plơi pla truh bruă bơkơtuai mơnuih ƀôn sang./.