Pel ĕp ƀơi anai, Khua dêh čar Phạm Minh Chính lăi rơđah, tơlơi găn rơgao ƀuh hlâo adih, tơlơi pơsir anih anom mă yua man pơkra juăt ñu kaih, samơ̆ rơwang bruă anai, bruă pơsir anih anom mă yua dưi pok pơhai tañ, lu rơwang bruă hmâo 80% gah bruă pơsir anih anom mă yua, tơlơi anai hmâo bôh yôm, pơsit kơ rơwang bruă jơlan nao rai.

Khua dêh čar bơni 3 anih anom Hà Nội, Bắc Ninh, Hưng Yên gum hrom kơjăp amăng pơsir anih anom mă yua pơkra jơlan. Khua dêh čar rơkâo, hơdôm bôh anom gơgrong man pơkra khom hơneč mă hyu hyiăng klă, pơsur neh wa pơsir anih anom mă yua pơkra jơlan, lom pơkra jơlan lĕ ngă tui 3 tal pơkă 4 kíp kiăng hmâo jơlan nao rai tañ hloh pơhlôm klă, kơjăp hiam./.