Amăng mông tŭ jum, Khua dêh čar ta ơi Phạm Minh Chính brơi thâo Việt Nam pơsit jơlan gah pơtom hiăp rơngai, gơgrong pô, rơnuk rơnua, gum hrom hăng pơđĭ kyar, pơplih lu mơta, lu bơnah; pơdŏng bruă bơwih ƀong rơngai, gơgrong pô nao hrom hăng gơgrong hlâo, mut hrom jar kơmar dơlăm klă, sit nik, ba glăi bôh tơhnal.

Khua anih jưh pơ ala kơ Bơl-gum ƀơi Việt Nam Karl Van Den Bossche pơtŏng sit Bơl-gum čang rơmang kơtưn gum hrom hăng Việt Nam amăng hơdôm bruă, biă ñu amăng mông dua bôh dêh čar glăk hơdor glăi 50 thun pơdŏng bruă pơtom hiăp, pơsit yôm bruă Kơnuk kơna Việt Nam hmâo mă yua Tơlơi pơkă apui lơtrik VIII, anai lĕ gru than yôm phăn pioh hơdôm bôh anom bơwih ƀong pơphun hơdôm rơwang bruă apui lơtrik. Khua dêh čar čang rơmang Khua anih jưh pơ ala kơ Bơl-gum pơtrut dong, iâu pơthưr hơdôm bôh anom bơwih ƀong mơng Bơl-gum tuh pơplai amăng Việt Nam, biă ñu amăng hơdôm bruă phrâo ƀuh rơđah hloh kah hăng pơplih mrô, pơplih phrâo pơčeh phrâo, pơplih mơtah./.