Bruă bơkơtuai hăng anăn ñu “Khul bơwih ƀong ASEAN pơkĕ hrŏm, gơgrong pô hăng kơjăp phik: Thâo tơhnal gal amăng rơnuk mrô”. Amăng mông bơkơtuai, khua mua hơdôm bôh anom bơwih ƀong ASEAN, Khua git gai ASEAN hăng hơdôm bôh dêh čar gum hrŏm bơkơtuai pơsôh kơ tơhnal gal, tơlơi lông amăng gum hrŏm bơwih ƀong mrô mơ̆ng ASEAN; jơlan pơsir pơtrut tơlơi rô nao rai gum hrŏm kơplah wah ASEAN hăng bơnah gum hrŏm amăng pơđĭ kyar bơwih ƀong mrô; rơkâo pơjing glông jơlan bơwih ƀong mrô ASEAN; rơkâo ba tơbiă amăng pơđĭ kyar sĭ mơdrô tui jơlan măi mok ƀơi ASEAN ră anai; pơtrut pơđĭ kyar jơlan pơlir hơbit măi pơđoh apui ƀơi kual ASEAN.

Hrŏm hăng anun ƀing khua pơ ala ăt bơkơtuai mơn kơ bruă mă yua bôh thâo pơčeh phrâo (AI) amăng wai lăng anom bơwih ƀong hăng ba tơbiă gum hrŏm hăng hơdôm bôh dêh čar kual ASEAN; pơplih mrô amăng bruă pôr pơhing; gum hrŏm pơdŏng pơjing khul mơnuih mă bruă mrô kơjăp; pơplih anih anom tuh pơplai pioh ngă pơhưč tuh pơplai kơ hơdră phrâo măi mok....