Đĭ pơhiăp amăng mông jơnum, Khua dêh čar ơi Phạm Minh Chính lăi pơtong, tơlơi rô nao rai Việt Nam-Lao lĕ tơlơi rô nao rai yôm phăn hăng hơmâo anŏ yôm phara, yua anun kiăng hơmâo hơdră lăng nao rai klă, mơng hơtai boh truh hơtai boh, kiăng gơgrong hăng lăng nao rai tơdruă. Hăng jơlan gah “djru gơyut kar hăng djru ta”, Khua dêh čar iâu pơthưr anom bơwih ƀong sĭ mơdrô 2 bơnah gum pơgôp mut hrŏm, djru tơdruă kiăng hrưn đĭ.

Gah ƀing gơñu, Khua dêh čar Lao Sonexay Siphandone brơi thâo, pơ anăp anai dua bơnah amra pơsir hĭ hơdôm tơlơi gum hăng pok pơhai man pơkra jơlan glông, rơdêh rơdêh treng, tơdrun kompăn Vũng Áng, pơđĭ kyar hơdôm akŏ bruă sĭ gơnam đang hmua. Khua dêh čar Lao čang rơmang anom bơwih ƀong sĭ mơdrô dua bơnah tŏ tui tuh pơ alin bơwih ƀong sĭ mơdrô ƀơi Lao hăng Việt nam, ngă tui tơlơi dưi, tơlơi gal mơng dua bơnah kiăng ba glăi tơlơi yâo mơ-ak, trơi pơđao brơi mơnuih ƀôn sang dua bơnah.