Khua dêh čar ơi Phạm Minh Chính lăi rơđah amăng mông bưp lu tơlơi tơnap, tơlơi lông, samơ̆ kơnang kơ ngă tui dơlăm črâo ba mơ̆ng dua Ding jum kơđi čar, gum hrŏm gir run, pơsit pran prong mơ̆ng Kơnuk kơna, Gong gai, hơdôm ding jum, grŭp, gơnong bruă, tơring čar, ƀôn prong, dua bôh dêh čar hmâo pok pơhai tơpă, ba glăi bôh tơhnal hơdôm Tơlơi pơkôl gưl dlông, ba glăi lu bôh than măng gum hrŏm kơplah wah dua bôh dêh čar, djru hrŏm pơdŏng bruă bơwih ƀong rơngai, gơgrong pô, mut hrŏm jar kơmar dơlăm prong, sit nik, ba glăi bôh tơhnal, lu bôh tơhnal ƀuh rơđah lăp djă pioh.

Klah čun Tal jơnum, dua bơnah đăo kơnang truh kih mơ̆ng Tal jơnum amra pơjing pran pơtrut phrâo djru tơlơi gum hrŏm kơplah wah dua bôh dêh čar jai hrơi jai pơđĭ kyar, nao dơlăm, sit nik, đăo kơnang, ba glăi bôh tơhnal, djru ƀu pơdơi hơkrŭ đĭ tơlơi rô nao rai giăng mah yôm phăn, gum hrŏm hơbit phara ha jăn hăng gum hrŏm abih bang Việt Nam – Lao pơ̆ anăp anai./.