Đĭ pơhiăp amăng mông pơphun, Khua ding jum ơi Tô Lâm lăi pơtong, ngă tui tơlơi jak iâu mơng Khua mir sir Hồ Chí Minh, abih bang mơnuih ƀon sang pok pơhai jơlan hơdră “Tết pla kyâo” blung a amăng bơyan bơnga Canh Tý thun 1960. Dong mơng anun truh ră anai, “Tết pla kyâo” ba glăi lu tơlơi yôm prong prin kơ lŏn ia hăng jing gru grua, phiăn juăt hiam klă mơng mơnuih ƀon sang amăng rĭm bơyan bơyan trun rai.

Truh ră anai, Ding jum kông ang hơmâo pla rơbêh 5 klăk phun kyâo, amăng anun 2 klăk phun kyâo hơmâo pla ƀơi anih anom kông ang ƀơi hơdôm boh ƀon lan hăng 3 klăk phun kyâo pla ƀơi hơdôm boh sang krư̆ yua Ding jum kông ang wai lăng. Tŏ ngă tui tơlơi tơlơi jak iâu Tết pla kyâo mơng Khua mir sir Hồ Chí Minh hăng pok pơhai ngă tui bruă wau pơgang glai rưng; hrŏm hăng đơ đam dêh čar gum tơngan hrŏm, ha pran sa jua pla 1 klai kyâo mơtah mơda rơwang thun 2021-2025, hăng tơlơi pơsit “Yua kơ Việt Nam mơtah”.