Ƀơi mông tŭ jum, Khua ding jum kông an ơi Tô Lâm lăi pơtong, tơdơi kơ klin kheng Covid 19, Ding jum kông an Việt Nam pơtum ngă klă bruă pơgang hơđong kơđi čar, rơnuk rơnua, tơlơi mơak klă kơ mơnuih mơnam rŭ glăi bơwih ƀong huă lŏn ia pơđĭ kyar mơtah mơda hăng hơđong kjăp, đing nao pơđĭ kyar bruă ngă hmua ba yua kmơ̆k hơbâo pruai hơdjă djơ̆ găl hăng ayuh hyiăng, boh čroh pơkra ming tong ten, gơnam sĭ mơdrô hăng tač rơngiao, pơtrut bruă mă pơblih yua mrô amăng bruă tuh tia pơkra ming ngă atur, djop mơta bruă anun lêng kơ hơmâo tơlơi gêh găl brơi anom bruă sĭ mơdrô mơ̆ng dêh čar tač Japan tuh pơ alin ƀơi Việt Nam.

Kiăng pơtrut dơ̆ng bruă ngă hrom tŭ yua hloh, Khua ding jum ơi Tô Lâm rơkâo, pơ anăp anai dua bơnah kah pơpha nao rai tơlơi pơhing, pơtrut ngă hrom amăng bruă djru tơlơi phiăn, tơlơi thâo thăi amăng bruă mă ba yua mrô git gai wai lăng amăng bruă kơnuk kơna. Khua ding jum ơi Tô Lâm rơkâo dêh čar Japan dong yua hăng djru bruă ngă hrom pơgang tơlơi rơnuk rơnua mơ̆ng Sang gum hơbit djop dêh čar kơ tơhan kông an mơnuih ƀôn sang Việt Nam.