Čơkă ơi Ogata Yoshimi hăng ƀing ding kơna grup khua mua anom bruă tơhan pôlih Japan rai pơ Việt Nam jơnum bơkơtuai pơhlôm rơnuk rơnia gưl Kơ-iăng Khua ding jum Việt Nam-Japan tal 7, Khua ding jum ơi Tô Lâm pơsit tong, Jơnum bơkơtuai pơhlôm rơnuk rơnua gưl Kơ-iăng khua ding jum Việt Nam - Japan tal 7 ngă gêh gal brơi ƀing rơgơi kơhnâo gah bruă ling tơhan, tơhan pôlih Ding jum kông ang Việt Nam hăng anom bruă tơhan pôlih dêh čar Japan dưi pơlăi nao rai, pơčrông sai tơpă sit, pơkhă nao rai hơdôm bruă mơ dua bơnah đing nao.

Khua ding jum ơi Tô Lâm rơkâo hơdôm anom bruă bơdjơ̆ nao mơng Ding jum kông ang Việt Nam hăng anom bruă tơhan pôlih Japan pơ anăp anai đing nao ngă tŭ yua hloh, pơsir hĭ hơdôm kơđi mơng ƀing ngă soh, lơ̆m dua bơnah glăk ngă hrŏm jai hrơi dơlăm, pơhlôm hơđong lŏn ia, rơnuk rơnua mơnuih mơnam, pơgang brơi tơlơi dưi djơ̆ hăng tơlơi phiăn mơng mơnuih ƀon sang, anom bơwih ƀong sĭ mơdrô Việt Nam hăng Japan ƀơi rĭm boh dêh čar.