Khua ding jum prăk kak Hồ Đức Phớc, Kơ-iăng khua khul git gai mrô 389 dêh čar git gai mông jơnum. Amăng mông jơnum, lơ̆m pơđok hră lăi pơthâo mơng Khul git gai mrô 389 dêh čar, Khua anom bruă Khul git gai mrô 389 dêh čar Lê Thanh Hải brơi thâo, thun 2022, anom bruă bơdjơ̆ nao đơ đam dêh čar hơmâo ĕp ƀuh, mă pơkŏng, pơsir hĭ giăm 140 rơbâo bruă ngă soh, đĭ 1,17% pơhmu tui tơđar thun 2021.

Kiăng ngă tui tŭ yua bruă pơgăn sĭ dŏp, plư pleč hăng sĭ gơnam ča čot thun 2023, Khul git gai mrô 389 dêh čar rơkâo Khul git gai mrô 389 hơdôm ding jum, gơnong bruă, tơring čar, ƀon prong gơgrong kjăp bruă, him lăng hlâo, djơ̆ tơlơi sit nik; pơsit tong glông jơlan, ƀon lan, ƀing mơnuih, hơdôm gơnam tam, bruă ngă soh; thâo tong ten bruă ngă soh hơgŏm, ba tơbiă hơdôm hơdră lăp djơ̆ kiăng pơgang, pơgăn tŭ yua hơdôm bruă sĭ dŏp, plư pleč hăng sĭ gơnam pơkra ča čot amăng hơdôm bruă, kual wai lăng.