Đĭ pơhiăp pơđut mông jơnum, Khua git gai Ping gah dêh čar ơi Nguyễn Phú Trọng lăi pơtong, hrơi blan laih rơgao hơdôm anom bruă bơdjơ̆ nao hơmâo gum hrŏm jai hrơi tŭ yua, mut hrŏm hloh amăng bruă mă, ba glăi boh tŭ yua sit nik, hơmâo mơnuih ƀon sang kiăo tui lăng hăng dong yua.

Kơ bruă jao pơ anăp anai, Khul git gai rơkâo djop gưl Ping gah, khul grup, anom bruă bơdjơ̆ nao tŏ tui pơtrut kơtang amăng bruă pơgăn bưp ƀong kông ngăn, bruă ngă soh hăng pran jua “Khut khăt, gir run, ƀu pơdơi, ƀu lui hĭ, ƀu hơmâo kual kŏm, ƀing mơnuih gah rơngiao, mah hlơi tŭ mơn”, pok pơhai ngă tui tŭ yua hơdôm bruă jao amăng pơgăn hưp ƀong kông ngăn, bruă ngă soh tui tơlơi klah čun mơng jơnum lok 23 mơng Khua git gai Ping gah, Khua khul git gai hăng Jơlan hơdră bruă mă thun 2023 mơng Khul git gai.