Khua git gai Ping gah dêh čar ta ơi Nguyễn Phú Trọng rơkâo, hơdôm gưl Khul hlăk ai pơplih phrâo hăng pơđĭ tui hloh dong anô̆ klă, bôh tơhnal bôh yôm, jơlan gah mă bruă mơng Khul hlăk ai rơnuk Hồ Chí Minh hăng hơdôm khul hlăk, tơdăm ngek dra muai Việt Nam, lăng anai lĕ phun than pioh pơđĭ tui anô̆ klă bruă mă mơng Khul, djơ̆ hăng tơlơi kiăng mơng rơnuk phrâo, djru pơdŏng Ping gah hăng glông bruă kơđi čar, kơtưn pran jua gum hrom hơbit abih bang mơnuih ƀôn sang hăng pơgang kơnuk kơna djop mơnuih dưm kơnar.

Amăng anun, mă tơlơi kiăng, tơlơi čang rơmang lăp djơ̆, djơ̆ phiăn, sit  nik mơng hlăk ai ngă phun. Biă ñu, đing nao pơđĭ kyar pơlar mơnuih hlăk ai mă bruă, biă ñu mơnuih mă bruă kơjăp; pơsit jơlan gah kơ hlăk ai hrăm tui hăng pơhrăm pô na nao, hrưn đĭ hăng pơhrăm djop mơta, hrưn đĭ ngă pô bôh thâo phrâo hăng hơdră phrâo măi mok phrâo, jơlan gah wai lăng rơnuk anai. Hrom hăng anun, ăt kiăng pơtrut kơtang mơn hơdôm bruă mă hơkrŭ, ngă tui bruă ba jơlan hlâo, pơčeh phrâo mơng hlăk ai./.