Tal hơdor glăi 93 thun hrơi akŏ pơjing Ping gah Cộng sản Việt Nam (3/2/1930-3/2/2023), mơguah lơ 6/2 ƀơi Ƀirô Ping gah, tui tơlơi git gai mơng Khua git gai Ping gah dêh čar ơi Nguyễn Phú Trọng, Ding jum kơđi čar, Khul apăn bruă Ping gah pơphun bưp ƀô̆ mơta amăng bơyan bơnga Quý Mão 2023 hăng ƀing khua mua pơprong hơđăp mơng Ping gah, Kơnuk kơna, Jơnum min djop djuai ania mơnuih mơnam Việt Nam, ƀing Ding kơna Khul apăn bruă Ping gah amăng djop rơnuk.

Đĭ pơhiăp amăng mông bưp, Khua git gai Ping gah dêh čar ơi Nguyễn Phú Trọng lăi pơtong amăng thun blan lu tơlơi tơnap tap, lông lăng, khua mua Ping gah, kơnuk kơna lêng gum pơgôp, mut hrŏm, gum hrŏm kjăp, thâo pơčeh kiăng ba tơbiă hơdôm tơlơi pơtrun lăp djơ̆, hmao tlôn kiăng kơ git gai Ping gah, abih bang mơnuih ƀon sang hăng ling tơhan ba glăi tŭ yua hloh, djop mơta hơdôm hơnong pơkă, bruă jao ba tơbiă. Khua git gai Ping gah dêh čar ơi Nguyễn Phú Trọng čang rơmang, pơ anăp anai  ƀing khua mua Ping gah, kơnuk kơna hơđăp hăng pran hur har laih dong tơlơi găn rơgao yôm phăn mơng ƀing gơñu, hluai tui tơlơi gal mơng rĭm čô mơnuih amra tŏ tui gum pơgôp amăng bruă kơđi čar kơ Ping gah, kơnuk kơna hăng mơnuih ƀon sang.