Mơguah lơ 19/12, ƀơi Hà Nội, Khua git gai Ping gah dêh čar ơi Nguyễn Phú Trọng, Khua git gai Ping gah ling tơhan git gai Jơnum Ping gah ling tơhan tal 5, rơwang thun 2020-2025 kiăng pơčrông sai, pơgô̆p hiăp hăng tŭ yap hră lăi pơthâo boh than git gai ngă tui bruă jao gah ling tơhan hăng bruă pơjing Ping gah ling tơhan thun 2022; pơsit tong  bruă yak nao pơ anăp, bruă jao hăng hơdră git gai ngă tui bruă jao thun 2023.

Đĭ pơhiăp pơđut mông jơnum, Khua git gai Ping gah dêh čar ơi Nguyễn Phú Trọng pơtă pơtăn, amăng thun 2023 Ping gah ling tơhan, Ding jum ling tơhan hrŏm hăng bruă jao yôm phăn hloh lĕ pơphô bruă brơi kơ Ping gah, Kơnuk kơna pơsir hĭ hmao tlôn, tŭ yua djop mơta  bruă, wai pơgang kjăp pơhlôm rơnuk rơnua hăng hơđong lŏn ia ta, kiăng tŏ tui kjăp dong hăng kơtưn amăng git gai djop mơta mơng Ping gah mơng anun Khul ling tơhan, Ping gah ling tơhan kiăng ngă tui, ba gru amăng Ping gah; rĭm čô mơnuih apăn bruă Ping gah, sit biă ñu lĕ ƀing apăn akŏ, git gai djop gưl kiăng kơ “lăng glăi, pơplih pơkra” kiăng mah amăng tơlơi tơnap tap, glêh glar hiưm pă, pran gơgrong mơng “Ling tơhan wa Hô” ăt tŏ tui na nao.