Mơguah lơ 3/2, anom bruă Ping gah hơmâo pơphun bưp ƀô̆ mơta “Pơpŭ Ping gah-Mơ-ak bơyan bơnga”, kiăng pơpŭ thun phrâo ƀing apăn bruă, mơnuih mă bruă amăng anom bruă Ping gah. Pơ ala brơi Ding jum kơđi čar, Khul git gai Ping gah, Khua git gai Ping gah dêh čar ơi Tô Lâm lăi yôm hơdôm boh than mơ̆ ƀing apăn bruă, mơnuih mă bruă amăng anom bruă Ping gah dưi ngă amăng pơphô bruă, djru brơi bruă git gai mơng Ping gah, Ding jum kơđi čar, Khul git gai Ping gah.

Khua git gai Ping gah dêh čar brơi thâo, mơng hơdôm hrơi mă bruă blung a thun phrâo Ất Tỵ, anom bruă Ping gah pơphun glăi bruă mă, hăng hơdôm bruă jao phrâo. Kơ bruă jao pơ anăp, kiăng lăp djơ̆ hăng tơlơi rơkâo git gai mơng Ping gah, kơnuk kơna, Khua git gai Ping gah dêh čar ơi Tô Lâm rơkâo, anom bruă Ping gah tŏ tui ngă klă bruă jao mơng ƀing gơñu, tŏ tui gru grua gum pơgôp, gir run dưi ngă pơgiong hơdôm hơnong pơkă ba tơbiă pơhlôm brơi klă hloh, tŭ yua prong ƀiă dong pơhmu hăng thun 2024, pơgiong klă bruă jao hơmâo Khul apăn bruă Ping gah, Ding jum kơđi čar, khul git gai Ping gah đăo gơnang jao brơi.