Anai lĕ tal nao čuă blung a mơng Khua git gai Ping gah ơi Tô Lâm pơ dêh čar Singapore lơm ñu ngă khua git gai Ping gah Cộng sản Việt Nam, tal nao čuă yôm phăn biă mă hăng kơđŏm glăi sa tơlơi yak nao phrâo amăng tơlơi rô nao rai kơplah wah Việt Nam hăng Singapore. Tal nao čuă mơng Khua git gai Ping gah dêh čar ơi Tô Lâm pơ Singapore tal anai lĕ bruă kơđi čar yôm phăn biă mă kiăng tŏ tui pơtrut tơlơi rô nao rai glăk hiam klă kơplah wah Việt Nam hăng Singapore dưi hrưn đĭ pơplih phrâo, sit nik hăng dơlăm ƀiă dong.

Tal nao čuă ăt pơgôp ngă dơlăm tui tơlơi rô nao rai kơplah wah dua Ping gah, ngă atur bruă kơđi čar kjăp phik amăng tơlơi rô nao rai dua bơnah; ngă tui tơlơi dưi ngă hrŏm kơplah wah dua boh dêh čar amăng djop mơta bruă: bơwih ƀong mơtah, bơwih ƀong mrô, boh thâo măi mok hăng pơplih pơčeh phrâo, apui lơtrik hơdjă, anom phun kơ bơwih ƀong huă.