Khua git gai Ping gah dêh čar ta ơi Tô Lâm brơi thâo, rơgao hăng anai 65 thun, lơ 28/11/1959, Khua mir sir Hồ Chí Minh čih tơlơi čih “Tết pla kyâo”, in amăng hră pơhing phrâo Nhân Dân, iâo pơthưr djop mơnuih, djop sang, djop khul grŭp tơring čar, ƀôn prong gum hrŏm klă bơkơtưn pla, bơwih brơi phun kyâo pơtâo hăng pơblang bôh yôm prong prin hăng bôh tŭ yua sit nik mơ̆ng bruă pla kyâo, pơjing glai klô. Khua git gai Ping gah dêh čar ta pơtŏng sit, truh ră anai rim tal Bơyan bơnga rai, “Tết pla kyâo” hmâo sit nik jing hrơi jơnum ngui mơ̆ng abih bang Ping gah, abih bang mơnuih ƀôn sang hăng abih bang tơhan ta.

Anai ƀu djơ̆ kơnong kơ sa bruă mă hmâo bôh tŭ yua dơlăm mơ̆ng đưm ôh mơ̆, ñu dô̆ jing bruă mă rơđah, sit nik pioh ngă tui tơlơi pơkôl kơtang mơ̆ng Việt Nam ƀơi anăp jar kơmar hăng pok pơhai bruă mă mơ̆ng lŏn ia kơ pơplih ayuh hyiăng, anăp nao sa bruă mă hơdjă mơtah, yua kơ tơlơi pơđĭ kyar tañ hăng kơjăp phik mơ̆ng lŏn ia. Tal anai, Khua git gai Ping gah rơkâo, hơdôm Ding jum, gơnong bruă, biă ñu lĕ Ding jum prăk kak hăng rơhuông adai lŏn mơnai, Ding jum đang hmua hăng pơđĭ kyar ƀôn lan khom gum hrom, pơtrut kơtang bruă lăng tui, črâo ba hơdôm anih anom ngă tui hmâo bôh tơhnal bruă pơphun pla kyâo./.