Khua git gai Ping gah tal I, Khua mir sir Cuba lăng yôm hơdôm tơlơi dưi mơng Việt Nam, tui tơlơi git gai mơng Ping gah Cộng sản Việt Nam amăng pơjing hăng pơđĭ kyar lŏn ia, lăng anai lĕ glông jơlan brơi kơ bruă ngă hơkrŭ, bruă Cộng sản jar kmar; laih dong pơdah pran jua lăng yôm tơlơi gum pơgôp hăng tơlơi gum djru abih pran jua mơng Việt Nam brơi Cuba amăng hơdôm thun rơgao. Khua git gai Ping gah dêh čar ơi Tô Lâm pơsit tong tơlơi pơmĭn mơng Việt Nam lêng kơ dong yua hơdôm tơlơi pơtrun mơng Khul pơ ala Sang gum hơbit djop dêh čar amăng bruă rơkâo lui hĭ tơlơi kŏm hăng Cuba.

Anăp nao tal hơdor glăi 65 thun akŏ pơjing tơlơi rô nao rao pơtom hiăp Việt Nam-Cuba (2/12/1960-2/12/2025), khua mua dua Ping gah, dua kơnuk kơna hơmâo pơlăi nao rai bruă mă mơng dua Ping gah, mơng rĭm boh dêh čar; pơsit tong tơlơi yôm amăng tơlơi rô nao rai giang mah yôm phăn Việt Nam-Cuba, lăng anai lĕ kông ngă yôm dua bơnah kiăng gir run hơkrŭ hăng pơđĭ kyar. Dua bơnah tŭ ư pơtrut pok pơhai lu bruă ngă hrŏm kiăng kơtưn pran đăo gơnang bruă kơđi čar; pok pơhai tŭ yua hơdôm tơlơi pơkôl pơprong hơmâo kĭ amăng tal nao čuă gru grua mơng Khua git gai Ping gah, Khua mir sir ơi Tô Lâm pơ dêh čar Cuba blan 9/2024; gir run pơphun hơdôm bruă pioh hơdor yôm phăn, pơbưp nao rai mơnuih ƀôn sang amăng thun giang mah Việt Nam-Cuba thun 2025.