Tơdơi kơ nao čuă ƀơk gơnam tam hơ-ư̆č hmưi Tết sang anô̆ mơnuih gum ngă hơkrŭ đưm Nguyễn Trung Lựu (ƀơi phường Ba Hàng, plơi prong Phổ Yên), Khua git gai Ping gah dêh čar ta hăng Grŭp hyu mă bruă nao čuă Anom mă bruă hrom čè Hảo Đạt, să Tân Cương, plơi prong Thái Nguyên.

Pơhiăp amăng mông mă bruă hăng Grŭp apăn bruă Ping gah tơring čar Thái Nguyên, Khua git gai Ping gah dêh čar ta ơi Nguyễn Phú Trọng pơtŏng sit, hăng tơring čar hmâo anih gơgrong bruă mă yôm phăn, hăng anih anom hmâo gru grua phiăn juăt khăp kơ lŏn ia hăng ngă hơkrŭ, anih djă pioh lu nua yôm bôh thâo pha ra mơng neh wa djop djuai ania. Khua git gai Ping gah dêh čar ta ơi Nguyễn Phú Trọng rơkâo, Ping gah tơring čar Thái Nguyên khom thâo djơ̆ hăng dơlăm hloh dong kơ tơlơi hăng bruă hrom; pơsit rơđah tơhnal gal, anô̆ gal mơng plơi pla kiăng mơng anun ba tơbiă tơhnal bruă, rơkâo, ruah mă bruă phun hăng bruă ngă pơplih phrâo kiăng đing nao git gai, črâo ba, pơjing yak pơplih phrâo, kơtang kơjăp hloh amăng pơđĭ kyar bơwih ƀong - mơnuih mơnam./.