Khua git gai Ping gah dêh čar ta ơi Nguyễn Phú Trọng nao pơhmư̆ Jơnum Khul hlăk ai đơ đam dêh čar tal 12, rơwang bruă 2022-2027
Thứ sáu, 07:00, 16/12/2022
VOV/Siu H' Prăk pơblang
VOV/Siu H' Prăk pơblang
VOV4.Jarai – Mơguah lơ 15/12, ƀơi Anom Jơnum dêh čar (Mỹ Đình, Hà Nội) pok phun yôm phăn Jơnum Khul hlăk ai đơ đam dêh čar tal 12, rơwang bruă 2022-2027. Khua git gai Ping gah dêh čar ta ơi Nguyễn Phú Trọng nao pơhmư̆ hăng hmâo tơlơi pơhiăp črâo ba yôm phăn amăng mông jơnum.
Pơhiăp amăng mông jơnum, Khua git gai Ping gah dêh čar ta ơi Nguyễn Phú Trọng pơtŏng sit, hăng pran jua hur har, hăng pran jua pơčeh phrâo, hor hrăm tui hăng tơlơi čang rơmang hang tơngia, hlăk ai jing mơnuih nao hlâo amăng bruă ngă tui hơdôm bruă hơkrŭ.
Khua git gai Ping gah dêh čar ta ơi Nguyễn Phú Trọng rơkâo, hơdôm gưl Khul hlăk ai rơnuk Hồ Chí Minh hăng hơdôm khul grŭp hlăk ai, tơdăm gek dra muai Việt Nam, lăng anai lĕ phun gơgrong kiăng pơđĭ tui anô̆ klă bruă mă mơng Khul, djơ̆ hăng tơlơi kiăng yua amăng rơnuk phrâo, djru pơdŏng Ping gah hăng glông bruă kơđi čar, kơtưn gum hrom hơbit abih bang mơnuih ƀôn sang hăng pơgang hơdră djop mơnuih dưm kơnar./.
Viết bình luận