Amăng mông tŭ jum, Khua git gai Ping gah dêh čar ơi Nguyễn Phú Trọng lăi rơđah, dua bơnah gum hrom kơjăp dong, ngă brơi bruă gum hrom dua bơnah pơđĭ kyar jai hrơi jai sit nik hăng ba glăi bôh tơhnal hloh, amăng anun đing nao pơtrut hơdôm tal hyu čuă, pơbưp, bơkơtuai nao rai gưl dlông kiăng kơtưn tơlơi thâo hluh nao rai tơdruă, gum hrom črông sai kơ hơdră pơtrun hăng pơsit jơlan gah prong pioh pơđĭ kyar tơlơi rô nao rai dua bôh dêh čar; pơtrut kơtang gum hrom kơplah wah hơdôm ding jum, gơnong bruă, plơi pla.

Khua git gai wai lăng pơ ala mơnuih ƀôn sang Hàn Quốc čang rơmang dua bơnah ngă tui dong hơdôm bôh than dưi ngă amăng tơlơi rô nao rai dua bơnah amăng bruă kơđi čar, bơwih ƀong, bôh thâo, bơkơtuai nao rai mơnuih ƀôn sang, pơgang lŏn ia – rơnuk rơnua plơi pla; pơtŏng sit Hàn Quốc lăng yôm anih gơgrong mơng Việt Nam amăng hơdôm bruă mă hăng pơčeh phrâo hăng kual, amăng anun hmâo Pơčeh phrâo gum hrom hơbit Hàn Quốc hăng ASEAN./.