Khua git gai Ping gah, Khua mir sir Lao ơi Thongloun Sisoulith pơsit tong bruă ơi Lương Cường hơmâo ruah ngă khua mir sir pơdah tơlơi đăo gơnang hăng lăng yôm mơng Ping gah, kơnuk kơna hăng mơnuih ƀôn sang Việt Nam; đăo gơnang ơi Lương Cường hrŏm hăng khua mua Ping gah, kơnuk kơna amra git gai lŏn ia hăng mơnuih ƀôn sang Việt Nam tŏ tui hơmâo tơlơi dưi phrâo, prong ƀiă dong amăng rơnuk pơplih phrâo.

Khua git gai Ping gah, Khua mir sir Lao čang rơnang ngă hrŏm kjăp hăng Khua mir sir ơi Lương Cường kiăng tŏ tui pơtrut tơlơi rô nao rai giang mah hing ang, gum pơgôp yôm phăn hăng ngă hrŏm djop mơta, gru grua hiam klă kơplah wah Ping gah, kơnuk kơna hăng mơnuih ƀôn sang dua bơnah jai hrơi pơđĭ kyar hăng ba glăi boh than, tơlơi dưi sit nik brơi mơnuih ƀôn sang kah hăng yua kơ tơlơi rơnuk rơnua hăng ngă hrŏm kiăng pơđĭ kyar amăng kual hăng rŏng lŏn tơnah.