Kiăo tui tơlơi lăi pơthâo glăi, hăng tơlơi pơgôp hiăp ƀơi mông ngă bruă, pơhiăp klah čun mông jơnum, Khua git gai Ping gah, Khua mir sir ơi Tô Lâm lăi rơđah tơlơi pơmin, bruă kơsem min boh thâo akŏ phun khŏm hơmâo pơplih kơtang amăng tơlơi thâo hluh, tơlơi pơkă, hơdră tuh pơ alin, pơphun ngă laih anun hơdră mă yua đah mơ̆ng djơ̆ hăng tơlơi kiăng đĭ kyar lŏn ia amăng rơnuk phrâo.

Lăi nao hơdôm bruă kiăng ngă hlao mơtăm, Khua git gai Ping gah, Khua mir sir ơi Tô Lâm jao kơ Ping gah amăng Kơnuk kơna git gai, črâo bruă pơƀut ngă 9 mơta bruă, biă ñu ječ ameč čih pơkra Hơdră yom mơ̆ng dêh čar kơ đĭ kyar kơsem min boh thâo ia rơgơi akŏ phun truh pơ thun 2045. Hơdră ngă bruă khŏm pơsit rơđah anih, bruă kiăng ngă hlâo, mơnuih mă bruă, prăk kăk, hơdră git gai, pơtŏng lăng hiư̆m pă laih anun hrơi blan ngă bruă; ƀu dưi ngă luk puk, ngă lu mơta, khŏm ruah mă akŏ phun, tuh pơ alin khŏm sui, pơlir hăng anŏ kiăng đĭ kyar tañ, hơđong hăng gơgrong mă pô./.