Mut amăng thun 2026, ƀơi Lâm Đồng hơmâo laih mơn tơlơi truh lŏn adai kah hăng hơmâo angin kơtang, hơkruah yâo, ia rơsĭ tơglăk, hơjan hơmâo grŏm kơmlă, ngă tơhlŏm čơđang giăm 380m hang ia rơsĭ, ngă tơpok pơbung 17 boh sang, 8 ha đang hmua phun pla rơbuh, jôh, răm rai, yap prăk rơngiă năng ai 1,9 klai.

Kiăng pơgang, bong glăi đah mơ̆ng plai ƀiă răm rai amăng bơyan hơjan kơthel thun anai, Jơnum min mơnuih ƀôn sang tơring čar Lâm Đồng pok pơhai 17 bruă mă akŏ phun. Amăng anun kiăng krăo lăng, đao lăng hlâo - pơhŭi tañ tơlơi truh hơjan kơthel; prăp rơmet djŏp măi mok gơnam yua, anih anom đah mơ̆ng pơgang; pơhlom rơnuk rơnua dơnao kŏng ia, drai ia apui lơtrik; khut khăt ba pơđuăi mơnuih ƀôn sang tañ mơtăm mơ̆ng anih hŭi rơhyưt hlâo kơ hơmâo tơlơi truh rai./.