Tơdơi kơ mông tŭ jum, Khua git gai Ping gah, Khua mir sir ơi Tô Lâm hăng Khua dêh čar Thái Lan pơphun jơnum. Việt Nam hăng Thái lan jing dua boh dêh čar jê̆ giăm, hơmâo lu tơlơi gêh găl hrŏm amăng bruă bong kjăp tơlơi rơngai, hơđong, ngă hrŏm hăng đĭ kyar amăng kual. Găn rơgao 50 thun dong mơng hrơi rô nao rai, dua boh dêh čar hơmâo ngă kjăp tui na nao, đĭ kyar kơtang tui, abih bang hlom bom, jing sa amăng hơdôm tơlơi rô nao rai tŭ yua klă hloh amăng kual ASEAN. Thái Lan ră anai jing dêh čar ngă gŏp sĭ mơdrô prong hloh mơ̆ng Việt Nam amăng ASEAN, hăng prăk sĭ mơdrô dua bơnah thun 2025 hơmâo rơbêh 22 klai USD.

Dua boh dêh čar jai hrơi ngă hrŏm kjăp hloh amăng bruă pơkra gơnam ba sĭ amăng kual. Tơdơi kơ mông jơnum, Khua git gai Ping gah, Khua mir sir ơi Tô Lâm hăng Khua dêh čar Thái Lan ơi Anutin Charnvirakul dŏ lăng mông ngă lơphet Pơjao hră pơ-ar ngă hrŏm plah wah ding jum, anom bruă dua bơnah. Ƀrô tal anai, Khua git gai Ping gah, Khua mir sir ơi Tô Lâm hăng Khua dêh čar Anutin Charnvirakul gum gư̆ bơnut mă yua Logo ngă lơphet 50 thun akŏ pơdong tơlơi rô nao rai Việt Nam - Thái Lan./.