Khul pel ĕp, krăp lăng mơ̆ng Ding jum kơđi čar ngă bruă hăng Khul khua apăn bruă Ping gah tơring čar Lâm Đồng
Thứ sáu, 16:54, 29/05/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Tlam lơ 28/5, Khul pel ĕp, krăp lăng mrô 31 mơ̆ng Ding jum kơđi čar yua ơi Nguyễn Văn Quảng, ding kơna git gai Ping gah, Khua sang phat kơđi gơnong dlông ba jơlan hlâo, ngă bruă hăng Khul khua apăn bruă Ping gah tơring čar Lâm Đồng kơ bruă kơđi čar.
Thun blan rơgao, Lâm Đồng pơƀut pok pơhai tŭ yua gong gai dua gưl; pơtrut ngă tui Tơlơi pơtrun 57 mơ̆ng Ding jum kơđi čar kơ boh thâo ia rơgơi, pơčeh phrâo hăng pơplih mă yua boh thâo mrô. Amăng 5 blan akŏ thun 2026, tơlơi bơwih ƀong huă - mơnuih mơnam mơ̆ng tơring čar đĭ kyar mơn, čơkă tuai hyu ngui hơmâo rơbêh 2.188 klai prăk; pơhrui glăi kơ kơnuk kơna hơmâo rơbêh 14.930 klai, rơgao rơnoh Gơnong dlông jao.
Ơi Nguyễn Văn Quảng kiăng tơring čar Lâm Đồng pơsir brơi anŏ tơnap kơ bruă kah pơpha gưl ngă bruă, tơlơi dưi ngă bruă; pơplih hơbô̆ bruă đĭ kyar nao hrŏm hăng ba yua ia rơgơi mrô, pơtrut tơlơi gêh găl čơkă tuai hyu ngui, ngă hmua hăng boh thâo phrâo laih anun bơwih ƀong mơtah./.
Viết bình luận