Pơhiăp ƀơi mông ngă lơphet, Khua mir sir ơi Nguyễn Phú Trọng lăi, lăi tum teč tui anai, ta dưi hluh Năm tơlơi Wa Hồ pơtô Kông an mơnuih ƀon sang anun lĕ: Tơlơi pơmin pran jua mơng rim čô khua, tơhan kông an (anun lĕ hăng sit pô ta); tơlơi bơdjơ̆ nao gah rơngiao mơng rim čô khua, tơhan kông an (anun lĕ hăng ƀing gŏp mă bruă, hăng Mơnuih ƀon sang, hăng Kơnuk kơna, hăng ayăt roh); Tơlơi bơdjơ̆ nao rai mơng rim čô khua, tơhan kông an hăng bruă mă jing hơdôm bruă ta kiăng ngă, dưi ngă, khut khăt khŏm ngă dưi tui tơlơi gơgrong bruă, tui hăng bruă hơmâo jao.

Kiăng pơtrut hloh dong bruă hrăm, ngă tui Năm tơlơi Wa Hồ pơtô kơ tơhan Kông an, Khua git gai Ping gah ơi Nguyễn Phú Trọng lăi rơđah kiăng abih bang tơhan Kông an amăng dêh čar ta khŏm tŭ ư hrŏm, pơƀut ngă klă 3 mơta bruă yôm phun, anun lĕ: “hrăm”; “gir ngă, ngă tui” laih anun “ngă gru ba jơlan hlâo”.