Ƀơi mông bơkơtuai nao rai, dua čô khua lăi pơtong bruă mă či ngă hrom pơphun jơnum ngă lơphet hơdor glăi tal 50 thun akŏ pơjing bruă pơtom hiăp Việt Nam-Japan. Tui hăng anun, dua čô khua tŭ ư hrom dua bơnah, ngă hrom hơbit pơphun klă bruă mă jơnum hơdor glăi anai, kiăng pơjing tơlơi lir hơbit kjăp, pơtrut bruă giăng mah amăng djop bruă, ba tơlơi ngă giăng mah dua bơnah đĭ nao amăng hơdră phrâo, ba glăi boh tơhnal tŭ yua sit nik kơ mơnuih ƀôn sang dua doh dên čar.

Khua git gai ping gah ơi Nguyễn Phú Trọng lăi pơtong, Việt Nam ăt kiăo tui kjăp jơlan hơdră ngă giăng mah rơngai, ngă khua pô, rơnuk rơnua, mơak hăng gơyut gơyâo, ngă hrom hăng pơđĭ kyar lu mơta, ngă tui lu jơlan hơdră pok pơhư prong; prăp lui hăng pran jua hur har mut phung jar kmar hlom bom, dơlăm hloh; Việt Nam jing bơnah ngă hrom lăp đăo kơnang hăng jing ding kơna hur har, hơmâo tơlơi gơgrong ba yôm hăng jar kmar. Amăng anun, Japan lĕ bơnah ngă hrom mrô sa mơ̆ng Việt Nam.