Ƀơi mông jơnum, Khua git gai rơkâo djop ding kơna Khul pơčrâo bruă lơ̆m pok pơhai bruă mă khom ngă sit nik ƀu ngă ôh tŭ kơ hơmâo, hơdai gum hrŏm tong ten hăng djop sang bruă pơdjơ̆ hrŏm pơhlôm bruă mă sa hơnơ̆ng hăng hmar hloh, anăm ngă pơrơkua nao rai, gun tơdruă amăng bruă mă, bruă ngă anai Khul pơčrâo bruă ƀu dưi ngă pơ ala brơi djop ding jum, anom bruă ôh.

Pơgôp hiăp kơ jơlan hơdră  amăng thun 2025, Khua git gai ping gah tŭ ư hăng 10 mơta bruă mă phun yom hloh hăng 18 mơta bruă mă tum teč rơđah rơđong mơ̆ng Khul pơčrâo bruă lăi pơthâo, laih dơ̆ng rơkâo brơi pơhrua nao dơ̆ng hơdôm mơta bruă mă hơmâo plơ̆ng lơ̆m hlăk ngă tui; pơtrun hiăp brơi ngă tui hmar mơtam amăng 3 blan tal 1 thun 2025 kơ djop ding jum, anom bruă kiăng akŏ pơjing, čih dăp jơlan hơdră či mă bruă tui Hră pơtrun mrô 57 mơ̆ng Ding jum kơđi čar. pơblih kơtang ngă tui tơlơi kơhnâo, ia rơgơi, pơčeh phrâo yua mrô ƀơi dêh čar, kiăng pơhlôm brơi klă boh tŭ yua kơ djop sang bruă sĭ mơdrô hăng mơnuih ƀôn sang.