Dua čô khua pơdah rai pran jua hok mơak ƀuh tơlơi pơđĭ kyar kơtang, jai hrơi mut dơlăm tong ten hăng tŭ yua, wơ̆t amăng bruă mă dua bơnah hăng lu bơnah, plah wah sang bruă khua pơ ala mơnuih ƀôn sang Việt Nam hăng Khul pơ ala djop djuai ania mơnuih ƀôn sang Indonesia; lăi pơtong bruă ngă giăng mah rô nao rai dua bơnah sang bruă čih pơkra tơlơi phiăn dêh čar jing anŏ găl amăng abih bang tơlơi ngă giăng mah dua bơnah dêh čar; čang rơmang anom bruă čih tơlơi phiăn dua bơnah ăt pơtrut ngă hrŏm lu boh tơhnal pơgôp hơbit brơi bruă pơđĭ kyar giăng mah pŭ ƀăn, ngă hrŏm lu mơta bruă hăng bơnah či ngă hrŏm hlom bom Việt Nam-Indonesia, kơnang kơ bruă akŏ pơdong hăng čih pơkra tơlơi phiăn, ngă găl brơi, jơlan hơdră, pioh pơđĭ kyar pok pơhai bruă ngă hrŏm lu mơta, boh nik ñu bơwih ƀong huă, sĭ mơdrô hăng tuh pơ alin nao rai.

Khua khul pơ ala djop djuai ania mơnuih ƀôn sang Indonesia, ơi Amad Muzani lăi pơtong dêh čar Indonesia lăng yom bruă ngă giăng mah hăng Việt Nam, yua boh tŭ yua kơ mơnuih ƀôn sang dua boh lŏn ia, yua tơlơi rơnuk rơnua, hơđong, ngă hrŏm, pơđĭ kyar amăng kual laih anun ƀơi rŏng lŏn tơnah.