Khua git gai Ping gah ơi Tô Lâm nao pơhmư̆, đĭ pơhiăp hăng brơi pri kơ ƀing čih tơlơi pơhing rơgơi hloh. mơ̆ng 2.544 tơlơi čih mơit pơplông mă pri Mut mơnek mah tal 9 thun 2024 hơmâo ruah mă hơdôm tơlơi čih rơgơi hloh či brơi pri, amăng anun hơmâo 6 pri A, 12 pri B, 18 pri C hăng 40 pri pơtrut pơsur pran jua. Gong phun pơtui jua pơhiăp Việt Nam hok mơak biă mă lơ̆m hơmâo mă 1 pri A mơ̆ng grup čih tơlơi pơhing Lê Tuyết, Hồng Vân, Thu Huyền hăng Đình Hiếu mơ̆ng Grup pôr tơlơi pơhing phrâo (VOV1) hăng anăn “pơplih phrâo tơlơi phiăn, bruă pơplih kơtang ngă atur brơi lŏn ia mut amăng rơnuk phrâo”, 1 pri B, 4 pri pơsur pran jua laih anun jing 1 amăng 15 grup čih tơlơi pơhing hơmâo mă Hră bơni mơ̆ng Grup pơphun pơplông yua hơmâo lu tơlơi gum pơgôp prong kơ Pri Mut mơnek mah.

Pơ ala kơ khua mua Ping gah, Kơnuk kơna pơpŭ bơni brơi pri A - Pri Mut mơnek mah tal 9 thun 2024 brơi gơnam pơpŭ kơ ƀing čih tơlơi pơhing hơmâo tơlơi pơhing rơgơi hloh, hmư̆ hing hloh, Khua git gai Ping gah ơi Tô Lâm pơsit, hrơi blan pơ anăp, yŭ kơ tơlơi git gai mơ̆ng Ping gah, phun ñu mơtăm lĕ Khua mir sir Hồ Chí Minh, hră pơhing hơkrŭ Việt Nam jing yôm phun, ba jơlan hlâo amăng djŏp bruă mă mơ̆ng tơlơi pơmin truh pơ gru grua, gum pơgôp prong kơ bruă ngă hơkrŭ mơ̆ng Ping gah hăng lŏn ia ta.