Tơlơi phiăn pơkă kơ bruă čih pơkra tơlơi phiăn kơnuk kơna ră anai hơmâo 173 mơta tơlơi, Kơčăo bruă tơlơi phiăn phrâo pơdah đĭ hăng ƀing pơ ala mơnuih ƀôn sang dêh čar jơnum lok anai dŏ 72 mơta tơlơi đôč, hrŏ hĭ 101 mơta tơlơi. Tui hăng tơlơi kiăng čih pơkra glăi tơlơi phiăn, hơdôm tơlơi dưi mơ̆ng sang bruă khua pơ ala mơnuih ƀôn sang dêh čar lĕ  yua khua pơ ala mơnuih ƀôn sang dêh čar pơkă, hơdôm bruă yua tơlơi dưi amăng kơnuk kơna lĕ, kơnuk kơna pơkă.

Khua git gai pơ ala mơnuih ƀôn sang dêh čar lăi pơtong, bruă čih pơkra glăi tơlơi phiăn pơkă kơ bruă čih pơkra tơlơi pơtrun amăng tơlơi phiăn kơnuk kơna jing sa bruă mă phun aliăng čih pơkra tơlơi phiăn phrâo kơ dêh čar, ăt kah hăng čih pơkra pơhrua glăi phrâo kiăng djop tơlơi dưi. Khua git gai pơ ala mơnuih ƀôn sang lăi pơthâo 5 mơta bruă mă phun yom čih pơkra glăi tơlơi phiăn, amăng anun pơđĭ tui tơlơi gơgrong glăm ba mơ̆ng djop sang bruă hlong ngă mơ̆ng bruă phrâo čih pơkra truh pơ rơnuč ngă giong  tơlơi phiăn, biă mă ñu tơlơi glăm ba mơ̆ng khua ding jum, anom bruă. Ơi Trần Thanh Mẫn lăi lĕ, tơdah tơlơi phiăn anai dưi pơsit amăng mông jơnum lok anai, amra ngă gêh găl kơ bruă čih pơkra tơlơi phiăn dêh čar amăng thun 2025 hăng ngă gêh găl rơwang bruă khua pơ ala mơnuih ƀôn sang dêh čar tal 16, thun 2026-2031.