Hmư̆ hing kual Ngŏ Dơnung dêh čar Thổ Nhĩ Kỳ hăng Kual Kơdư dêh čar Syria phrâo hơmâo tơlơi truh lŏn pơpư̆ ngă răm ƀăm kơtang kơtit, hăng hơdôm rơbâo čô mơnuih djai, hơdôm pluh rơbâo čô mơnuih ruă, lu sang dŏ hăng dram gơnam răm rai, pơ brơi Anom bruă git gai pơ ala mơnuih ƀon sang Cộng hoà xã hội chủ nghĩa Việt Nam hăng pơ ala brơi hơjăn ñu, ơi Vương Đình Huệ Khua git gai pơ ala mơnuih ƀon sang dêh čar ta hơmâo mơ-it hră tơña bla hăng rơngôt hrŏm Khua git gai pơ ala dêh čar Thổ Nhĩ Kỳ hăng Khua git gai pơ ala dêh čar Syria laih anun Ƀirô git gai pơ ala mơnuih ƀon sang dêh čar, Mơnuih ƀon sang dua boh dêh čar.

Ơi Vương Đình Huệ đăo gơnang kơ Kơnuk kơna, Mơnuih ƀon sang Thổ Nhĩ Kỳ hăng Kơnuk kơna, Mơnuih ƀon sang Syria tañ găn rơgao hĭ hrơi blan tơnap tap, lông lăng anai, hơđong glăi tơlơi hơdip bơwih ƀong huă - mơnuih mơnam. Khua git gai pơ ala dêh čar ta ơi Vương Đình Huệ pơsit, jing pô ngă gơyut gơyâo hăng Thổ Nhĩ Kỳ, Syria, Việt Nam amra nao hrŏm hăng mơnuih ƀon sang Thổ Nhĩ Kỳ amăng hrơi mông tơnap anai, amra gum hrŏm hăng jar kmar djru brơi Thổ Nhĩ Kỳ dưi pơsir hĭ tơlơi truh lŏn pơpư̆ tui hluai kơ ta hơmâo.